Tur til Osa og Osafjellet

Osafjellet er eit høgfjellsområde 1.250 moh, om lag 20 km frå Ulvik sentrum. På fine dagar har ein utsikt til Hardangerjøkulen. Vegen er smal og snirklar seg opp mellom fjella.
Osa er ei lita grend ved Osafjorden, der ein finn Hjadlane galleri og Osa Cafe Hardanger Basecamp. Osa er og utgangspunkt for fine fjellturar i Nordalen.

• Turen går frå Ulvik turistkontor kl 11 tysdag og torsdag
• Retur frå Hjadlane galleri kl 12.45
• Tilbake ved turistkontoret om lag kl 13.00

Pris pr person t/r kr 200,-
Barn u 12 år kr 150,-
Ein veg kr 150,-, barn kr 100,-
Billettar må kjøpast på turistkontoret

Rundtur Ulvik – Espelandsdalen – Vallavik – Ulvik

Turen går gjennom den flotte Espelandsdalen der ein passerer Espelandsfossen. Etter å køyrt gjennom den 7 km lange Vallaviktunellen blir det stopp ved Hardangerbrua. Dei som ønskjer kan gå opp på brua.

• Frå Ulvik turistkontor kl 11 måndag, onsdag og fredag
• Tilbake på turistkontoret om lag kl 13

Pris pr person t/r kr 200,-
Barn u 12 år kr 150,-
Ein veg kr 150,-
Billettar må kjøpast på turistkontoret

Tjoflot og Oksen

Fjelltoppen Oksen ligg på 1242 moh og du får ein spektakulær utsikt over Hardangerfjorden og områda rundt. Med start på Tjoflot kan ein nytta dette transporttilbodet begge vegar.
Avgang frå Ulvik turistkontor kvar laurdag kl 9 og kl 15.

• Henting kl 16 på Tjoflot
• Retur til Ulvik om lag kl 17

Pris pr person t/r kr 200,-
Ein veg kr 150,-
Billettar må kjøpast på turistkontoret

Innerst i Ulvikpollen, om lag 3 km frå hotellet ligg Holmen-området som er eit attraktivt område særleg om sommaren, perfekt for familiar. Her finn ein langgrunn badestrand med stupebrygge og flytande hoppetårn, sandvolleyballbane samt idrettsbane med tennisbane, løpebane og grasmatte. Like ved finn du også Ulvik Vasskiklubb som køyrer onsdag, laurdag og søndag i sommarsesongen.

Gro og Hans er femte generasjon som driv garden på Syse. Garden ligg fint til på ei høgd midt i Frukt-og Siderruta med flott utsikt over heile bygda.

I ei omvisning får du sjå og høyra historia om garden, om gardstradisjonar og kultur, om samspelet med naturen og korleis dei lever. På garden har dei eit stort utsal, og undervegs i omvisinga får du sjå og læra korleis produkta blir laga. Alt frå fenalår og pølse til syltetøy og dessertar, eplemost og den tradisjonelle Hardangersideren. Kan hende vert det råd med litt smaking undervegs også.

Om sommaren har dei også kafè, slik at du kan få deg ein matbit undervegs i opplevinga på Frukt- og siderruta.

For bedrifter, lag og organisasjonar kan ein kombinera omvising med innlagt møte og få servert måltid med heimalaga gardsmat!

Bli med på ei fartsfyllt oppleving på fjorden på vannski, med fast grep i sofaen flygande like over vassflata, eller på bananbåt der sjansen for å verta våt er stor. Perfekt for familiar og par, små venegjengar eller firma.

Ulvik Vass-Skiklubb vart stifta i 1981 av ein gjeng med lokale ungdomar og nokon utanbygdingar. Klubben held til i Holmen, like ved badestranda og idrettsbana. Fleire lokale utøvarar har hevda seg i norgestoppen opp gjennom tidene, og ekstra stas var det å arrangera NM i 1995.

Dei siste åra har klubben gått over til å bli meir ein klubb som tilbyr køyring for turistar og familiar med instruktørar og båførarar som har god kjennskap og erfaring.

Mikkelparken ligg i Kinsarvik, ein halvtime med bil frå Ulvik. Mikkelparken byr på eit eldorado med underhaldning for dei mellom 1 til 12 år med leik og show.

Her kan du leike med vatn i badelandet, køyre bumpebåtar og fjernstyrte bilar, helse på dyra i Mikkelgarden, køyre Mikkeltoget eller utforske jungelløypa.

• Show og dokketeater med Mikkel og venene hans
• Innandørs leikeland SkoSkogen og Karibia
• Badelandet Tropefryd med basseng og rutsjebanar
• Klatring og leik i Jungelløypa
• Skattejakt med gullgraving
• Dyreparken Mikkelgarden

På grunn av smitteverntiltak må alle billettar bestillast på forhånd. Begrensa antal, ver ute i god tid.

Glasblåsar Silje Syse held til i det gamle handelslagsbygget i Ulvik sentrum med glasblåseri og utsal.

Silje har drive med glasblåsing sidan ho byrja som lærling i Bergen i 2006 og opna eige blåseri i Ulvik i 2015. Ho kombinerer glasblåsarjobben med livet som småbarnsmor og fruktbonde.

I blåseriet kan gjester få vera med på ulike aktivitetar som bestillast gjennom Silje på førehand. Du kan også droppa innom og vera med på kuleblåsing.

Demo + kuleblåsing

Silje held ein liten blåsedemo på ca. 30 minutt. Etterpå får de blåsa eigne kuler.

Minikurs for 2 pers

I løpet av omlag ein time får de ei bittelita innføring i glasblåsing og får prøve litt sjølv. Det er litt opp til ein sjølv kor mykje hjelp ein ynskjer, men me har som mål at det skal bli i allefall 1 glasprodukt til slutt.

Design ditt eige produkt

Du bestemmer form og farge på glaset. Hugs at glasblåsing er eit stort fag og at det er ikkje alt som kan lagast i alle blåseri. Det er fint om du har tenkt litt på førehand, men vent med sjølve designjobben til du er i blåseriet.

Gravering av skål

Du teiknar eller skriv på skåla og Silje graverer oppå strekane dine. Om du heller ynskjer noko anna enn ei skål, kan du finna eit anna produkt i butikken.

Eit slag bowling er perfekt for innedagar og får som regel opp konkurranseinstinktet hjå heile familien! Hjå Voss Bowling finn du 8 bowlingbanar, biljardbord og restaurant med mykje god mat og drikke på menyen.

Her finn du også eit stort og spanande leikeland for borna på 300 kvadratmeter, med sklier, klatrebanar og mykje anna som held borna aktive lenge. Passar for born i alderen ca. 2-12 år.

Voss active var i si tid grunnleggar av Ekstremsportveko, og tilbyr i dag massevis av aktivitetar for dei som ynskjer ei lita ekstra utfordring og litt spenning i kvardagen. Her er eit knippe utval av det me kan anbefale.

Klatreparken

I klatreparken finn du både zipline og klatrepark for liten (over 100 cm og 140 cm) og stor. Ein kan kjøpa zipline og klatrepark kvar for seg, men det kjekkaste er å få med seg alt.

Dei små løypene passar for dei som synes dei store løypene blir for tøffe. Mor og far kan vera med frå bakken eller i løypa. Løypene er varierte, morosame og utfordrande for barn så vel som vaksne. I parken finn du fleire stader der familien kan samlast for måltid som de har med i sekken.

• Praktisk: Parken ligg 14 km nord for Voss i retning Sogn. Følg E16 og ta av til høgre 1,8 km etter Tvinde Camping. Frå parkering er det ca. 5 minutt gange til parken.
• Opningstider: Kvar dag 19. juni – 29. august og kvar helg frå midten av mai til midten av oktober frå 10.00-15.00.
• Prisar: Stor løype + zipline kr 499,-. Mini løype + zipline kr 299,- per pers.

Familierafting

Familierafting er perfekt for familiar med barn under 15 år – og for dei som trur Strandaelva blir for tøff. Ein får prøve både store, stødige båtar som tek opp til 8 deltakarar, og små 2-mannsraftar (Duckies) for dei som vil ha ei større utfordring. Vi lovar mykje bading og moro for alle!

• Sesong: Mai-oktober
• Prisar og opningstider: Kl. 09.30-14.30. Born kr 620,- per pers.
  Vaksne (15+) kr 830,- per pers

Juvvandring

Juvvandring er for dei over 15 år med god fysisk helse og gode symjeevner. Iført våtdrakt, hjelm og redningsvest vekslar du på å symje, klatre og hoppe langs med elva i juvet. Du får oppleve digre jettegryter, naturlege vassklier, små stryk og krystallklare kulpar.

Juving er berre tilgjengeleg når elvane har for lite vatn til å gjennomføre raftingturane, (vanlegvis seint på sommaren)

• Sesong: Juli-august
• Prisar og opningstider: 10.00 og 15.00. kr 1190,- i skuldersesong og kr 1350,- i juni-aug.

Voss Gondol tek deg strake vegen opp til Hangurstoppen på 820 moh. rett frå Voss sentrum. Her finn du også Hangurstoppen restaurant som serverer heimelaga mat på lokale råvarer.

Bana er den største og mest moderne av sitt slag i Nord-Europa og byr på flott utsikt heile vegen opp.

På toppen får du enda betre utsyn til fjella som omkrinsar bygda. Her finn ein eit turområde som er ypparleg for gåturar og sykkelturar (eller paragliding om du er særskilt vågal). Om vinteren held skisenteret Voss Resort ope med flotte løyper, skiskule og skiutleige.

I ein vindtunnel kan ein oppleva å fly i trygge og kontrollerte omgjevingar, heilt som på ekte. Den eldste som har flydd i tunnelen er 94 år gamal, og den nedre aldersgrensa er 5 år. Mange tenker at å fly i vindtunnel må vera ekstremsport, men det er det ikkje. Flyging i vindtunnelen er ein aktivitet som må prøvast, som gir eit adrenalinkick du kan leva på ei heil stund.