Turen kan gjerast til fots eller syklast med terrengsykkel på vegen som startar i sentrum og fylgjer hovudvegen oppover til garden Undeland. Hald fram langs traktorvegen til Fureset, og derifrå over fjellet til Vatnaset på Granvinssida. Denne turen kan syklast begge vegar, og du kan òg ta den som ein rundtur tilbake til Ulvik på asfaltvegen gjennom Espelandsdalen.

Denne turen er merka som raud off-road sykkelrute, og bør berre syklast på tørre dagar med terrengsykkel, og du bør vere innstillt på å trille sykkelen enkelte parti av turen. Vis omsyn til dyr og folk, og hugs å lukke grinder etter deg.