Turen er 4 km lang og startar på Tunheim som er eit startpunkt for mange turar i området. Du kan og velja å gå turen frå sentrum for å sleppe å parkere bil.

Alle turane er godt skilta herifrå. Dette er ein lett tur med eit spektakulært utsiktspunkt ned i Osafjorden. Hald eit ekstra auge med borna då utkikkspunktet ikkje er sikra.

Om turen

Turen startar på Tunheim 2,7 km frå hotellet. Om ein vel å gå frå sentrum, går ein langs Frukt-og siderruta for å koma til Tunheim. Fylg så skilting mot Liavegen rundt og Jobykset.

Når du har gått øvre Liavegen gjennom lia og kjem så langt at du ser Osafjorden, kan ein fylja vegen nedover og i svingen gå ut på Jobykset. For å koma tilbake til Liavegen, fylgjer ein berre vegen vidare ned og kan gå attende langs skogsbilvegen til Tunheim.