Kvasshovden ligg på 1065 moh. og er ein tur som er populær å gå både for bygdefolket og tilreisande. Kvart år vert det arrangert motbakkeløp i denne trasèen, og fleire kjente idrettsutøvarar har tatt turen.

Deltakarar i løpet har sprunge turen på under 50 minutt. Me oppmodar til å nyta turen i eige tempo frå fjord til fjell med vakker utsikt undervegs. Hugs å skrive namnet ditt i boka på toppen.

Sein snøsmelting kan gje nokre utfordringar undervegs tidleg på året, men dette er elles ei løype som vert godt vedlikeholdt.

Startpunkt

Turen er skilta frå Ulvik sentrum og startar ved Hardanger Guesthouse (Ulvik Camping). Ein kan også køyre ca. 3 km til Børsheim Gard/Kvemmadokkje, kor ein kan parkera gratis.