På Jonstøl har det vore sommarstøl fram til 1952, men i dag vert den hovudsakleg nytta til sommarbeite for sau og stølsliv. Jonstøl er kanskje ein av dei finaste stølane i bygda og absolutt verd turen opp. Turen er ikkje lang, men kan væra bratt enkelte stader og utsikta mot bygda er skikkeleg flott. Born som er van med å gå i ulendt terreng klarer denne turen som vert skildra ein stad mellom medium og krevjande.

Har ein fyrst kome opp, har ein mest sannsynleg ikkje lyst ned att. Så fint er det der oppe.

Startpunkt

Ein kan gå 2,7 km frå hotellet til Tunheim der turen startar. Her er det mogleg å parkera. Kyr og sauer beitar i området, så ein parkerer på eige ansvar.