Velkomen til julebord på Brakanes Hotel
Ei unik oppleving innerst i Hardanger

Når mørket senkar seg over fjorden og snøen legg seg som eit stille teppe over landskapet, inviterer me deg til ei magisk førjulsoppleving på Brakanes Hotel. Her, heilt i fjordkanten, ventar varme, lys og ekte julekos.

Me byr på ei heimelaga julematoppleving der du får smake på tradisjonar – med vår innhaldsrike varmmatsbuffet der alle finn sin favoritt. Ribbe, pinnekjøt, lutefisk og alt som høyrer til. Og ikkje minst – eit bugnande dessertbord du garantert vil hugse.

Etter middag opnar me dørene til Sara & Marta, der dansegolvet ventar og stemninga stig i takt med musikken. Her dansar me oss varme til dei seine nattetimane – med noko godt i glaset og glimt i auget.

Under opphaldet kan du også slappe av i vår utandørs sauna og varme stamp – heilt nede ved fjorden. Nyt vintermørket og stilla medan du kjenner roen senka seg, med eit glas lokal sider i handa og fjella som ramme.

Julebord på Brakanes Hotel er meir enn berre ei samling – det er ei oppleving du tek med deg vidare. Lokalmat, lun atmosfære, gode folk – og eit hint av noko heilt spesielt.