Me tilbyr utlån og leige av mangt og mykje som kan gjera opphaldet i Ulvik endå kjekkare.

Utforsk bygda med el-sykkel, laug deg i boblestamp og badstove på kaien, prøv padlebrett (SUP-brett), ro deg ein tur på fjorden og prøv fiskelukka eller berre finn deg til rette ved stranda og lat ungane leika i vasskanten eller på den flytande trampolina.

Det kan vera lurt å ta kontakt med hotellet på førehand for å reservera tid, særleg i stamp og basseng. El-syklane, SUP-bretta og kajakk pleier stort sett å gå greit på omgang gjennom dagen, men ring oss gjerne om du vil vera heilt sikker.

ANGR tilbyr også leige av kajakkar på hotellområdet. Selskapet har kajakkar til leige ved båthuset vårt. Betaling via app. Redningsvest får du låna i resepsjonen.
Dei tilbyr også skreddarsydde opplevingar med guide; det vera seg fotturar og kajakkturar, alt etter kva du måtte ynskje. Dei kjenner naturen vår inn og ut, og er trygge å planlegga flotte opplevingar med. Ta ein kikk innom nettsida deira.
www.angr.no