Ein storslått tur som tek deg frå 0 m.o.h. til 1065 m.o.h. på 7,5 km. Lønna på toppen er ein fantastsik utsikt over fjordlandskapet. Turen opp Kvasshovden går i ulendt terreng og kan væra utfordrande, men til gjengjeld får du ein fantastisk utsikt som løn for strevet. Kvart år vert det også arrangert Kvasshovden Opp – Noregs vakraste motbakkeløp.

Turen til Frystetjørn går gjennom lune skogsstiar og er ein populær tur for dei som ikkje ynskjer å gå for langt opp i høgda. Turen til Frystetjørn gjev flotte utsyn over Ulvik, Vassfjøro og fjorden. Er du heldig kan du òg sjå hjort og tiurleik.

Ein lettare gåtur inn til Solsævatnet. Solsævatnet ligg i Ulvik kommune ca. 380 meter over havet og er ein tur som passar for dei aller fleste med relativt flatt terreng og gode grusstiar.

På Jonstøl har det vore gard sidan 1952, i dag vert den hovudsakleg nytta til saueverksemd og beiting. Turen er ikkje lang, men kan væra bratt enkelte stader.

Frå Osa går turen til Ossete, ein idyllisk sumargard på 600 meters høgde. Turen til Ossete kan væra utfordrande med bratt terreng. Stien er godt markert og byr på flotte utsyn ut over dalane, fossefall og elver. Hugs fjellsko!

Frå Oksen har ein storslått utsikt 360 grader til nesten heile Hardanger, til både fjord og fjell: Samlafjorden, Sørfjorden, Eidfjorden, Granvinsfjorden, fjellområda på Voss og i Hardanger.

Denne turen kan nesten alle ta, om ein tar seg nok tid til stigninga.Oksenhalvøya stikk ut i Hardangerfjorden frå nordsida.

Dronningstien er oppkalla etter H.M. Dronning Sonja som sjølv er ein erfaren turgåar. Dronningstien er ein av favoritturane til dronning Sonja, og går i høgfjellet mellom Kinsarvik og Lofthus. Dronningstien er ein flott tur som byr på fantastiske utsikter, men den er òg lang og forholdsvis krevjande. Turen tek deg gjennom skog, fjell og frukthagar i ferda frå Kinsarvik og Lofthus på oppmerka stiar.

Turen startar på Sæ i Simadal v/Statkraft (parkering ved Sima Kraftverk). Herifrå tek ein til venstre mot fjorden og til Kjeaneset. Kjeaneset er naustplassen til Kjeåsen. Stien tek av til høgre og snor seg bratt opp over fjellsida.

Sjå store vassmengder stupa 182 m frå Hardangerviddaplatået ned i Måbødalen. Opplev Vøringsfossen på nært hald. Sjå fossen stupe ned frå Hardangerviddaplatået. Kjenn vannspruten i ansiktet. Detteer ein spektakulær tur gjennom vilt landskap.

Noregs finaste utsikt? Trolltunga er ein av dei mest imponerande fjellformasjonane på Vestlandet. Turen tek 10 til 12 timar, men du blir belønna med ein spektakulær utsikt du seint gløymer.

Trolltunga ligg 1 100 meter over havet og er ein lang og forholdsvis krevande tur. Turstien er godt merka med skilt, men turen tek mellom 10 og 12 timar og vert anbefala for folk som er i god form og som er vant med å gå lengre turar. Skikkeleg utstyr er naudsynt, og helst bør ein ha gode fjellsko og turklede og sjølvsagt rikeleg med mat og drikke. Dersom du ikkje er fjellvant anbefalar vi at du hyrer inn ein erfaren guide.

Turar til Trolltunga er primært ein sumaraktivitet, men det finst også guida ski- og trugeturar om vinteren for dei som ikkje er redd for ei utfordring.

Voss Gondol tek deg strake vegen opp til Hangurstoppen på 820 m.o.h. rett frå Voss sentrum. Bana er den største og mest moderne av sitt slag  i Nord-Europa og byr på flott utsikt heile vegen opp.

På toppen får enda betre utsyn  til fjella som omkrinsar bygda. Her finn du restaurant og eit turområde som er ypparleg for gåturar og sykkelturar (eller paragliding om du er særskilt vågal). Om vinteren held skisenteret Voss Resort ope med flotte løyper, skiskule og skiutleige.

Hangurstoppen Restaurant er den perfekte staden for å innta eit betre måltid enten du har gått tur, stått i skiløypa eller berre ynskjer å spise godt.

På Hangurstoppen får du servert heimelaga mat laga på lokale råvarer i sesong.

Hjå oss blir du supermann og realisera draumen om å fly. I ein vindtunnel kan ein oppleva å fly i trygge og kontrollerte omgjevingar. Du treng ingen forkunnskapar for å koma og fly med oss. Alle nybegynnerpakkene våre omfattar instruksjon, leige av utstyr og ein instruktør som følgjer deg heile tida. Den eldste som har flydd hjå oss er 94 år gamal, og den nedre aldersgrense er 5 år. Mange tenker at å fly i vindtunnell må vera ekstremsport, men det er det ikkje. Flyging i vindtunnelen er ein aktivitet som må prøvast.